福州白癜风医院 https://baijiahao.baidu.com/s?id=1686928102844526366&wfr=spider&for=pc

*先同啲審查領導匯報『以下涉及嘅內容，絕無絲毫敏感！請耐心睇曬先！咪用電腦抓獲“敏感詞”謝謝！』

先講一個詞『有效統計』。睇到網上唔少荒謬嘅所謂『數據、證據』，竟然有人信，都真係好無語。舉例，標題係『巫醫在今次疫情顯神威』。原來呢個所謂邏輯、判斷，係來自一個『統計、數據』。就係國外某啲相對落後嘅部落、山寨，無受到經常疫情影響，所以就話巫醫有效。大佬，嗰啲地方平時都無外人去嘅，唔使封村都勝似封村嘅地方。無病毒攜帶者進入，又無村民外出，梗係無感染啦！呢啲算係乜卵嘢『統計、數據』吖？同樣，唔少人相信鯊魚製品有防癌作用。原因就係啲生意佬話『鯊魚無癌症』。我真係暈低………。呢啲根本無類比性嘅所謂『數據』，有乜鬼意思呢？不如話『食魚唔會有肺炎啦！』唔使科學家，剩係我都可以話畀大家知『99.99%嘅魚類都無肺炎嘅』。搵隻腳趾尾諗下都知，魚類呼吸用腮，根本就無肺嘅。講呢啲類比就真係廢喇！但係，又有唔少人，只要見到數據、表格、圖表、所謂調查統計，就會深信不疑。有史以來都唔會去質疑啵。

當然，呢啲不單只係一般市民，有唔少專家、專業人士都如此。就好似第二次世界大戰期間。盟軍做咗一個『廢到無朋友嘅統計』。佢哋精準咁對返航嘅戰機作出統計。相關結果顯示『機翼、機身中後段，尾部，都係空戰當中，中槍最多、受損最嚴重嘅地方』。此精細嘅統計一出，結果就針對統計結果顯示嘅『弱項』去加強。加強機翼、機身後段防護等等。重量增加唔少，結果死傷更多。因為啲『研究人員』統計嘅，都係成功執返條命仔嘅飛機。嗰啲駕駛艙中槍、螺旋槳、發動機中槍嘅，基本都返唔到來。亦都即係話『機翼、機身尾段中彈嘅，其實好大機會唔死得，唔會墜機』。類似嘅所謂『統計、數據、研究結論』等等例子多不勝數。所以，當我哋再睇到啲雞湯、啲煽情、或者煽動仇恨嘅文字，不妨先諗下，呢啲嘢有無合理邏輯先？呢啲數據有無用，有無意思呢？尤其啲深信『食乜補乜』嘅人士。按照你哋啲邏輯，食鯨魚鞭先掂。因為有幾米長囉。以後唔好食雞腳、豬腳喇，因為『据統計』貓可以由十二米落地都無事，即係貓嘅關節最有緩衝性，最補腳補關節啦！同理，想跳得高嘅，食虱啦！科學家、生物學家研究，虱子彈跳最勁吖！

仲有一啲荒謬嘅所謂『人生經驗』，其實又係一啲『無效統計』。就好似『食素可以減肥』。大佬，大象、犀牛、河馬、長頸鹿、牛……包括熊貓，數之不盡嘅龐然大物都係食素嘅。你唔見佢瘦？如果我提醒你『無論天上飛嘅兀鷲、地下嘅豺狼、澳洲野狗，都係瘦得來，啲肌肉線條感強，生命力強，身材好』。咁你是否根據呢啲絕對正確嘅數據或者統計，轉行食腐爛嘅動物尸體吖？

唉，最後我想講嘅係『無論見到乜，諗下點解得唔得』？就算你見到一張相、一段視頻，有圖有畫面都未必就係有全部真相。見到啲數據、統計，亦都先按照你現實嘅感受，諗下是否科學可信。彭彭有一個簡單粗暴嘅判斷順序『邊個講、點樣講、幾時講、講啲乜』。

—華麗分割線——

因為要夠字先可以開通讚賞功能，但我偏偏又用視頻的形式，所以，以下內容純粹為湊字數，大家可以忽略，直接睇最後一句得啦！多謝！

為鼓勵優質內容在